النيل بموجه يعزف والطير يغنى
ابصله اسرح الاقيه فتننى
واسمع واقول كمان يا نيل
والغصن عالشجر يلين ويميل
يقول الآه
واقولها وراه
ويغنى البلبل فسماه
وتيجى موجة معدية
وجايبة فوقها معدية
فيها اللى رايح ومفارق
واللى معاود لعنية
وتدوب فنهرى دمعتين
واحدة على الفراق تنزل
والتانية عالحنين
والصوت ده صوتك ولا
ضحكة صبي فى زمن ولى
لعب هنا قبل السنين
وغريب امرك يا نهر ما افهمش
ان كنت انت سعيد ولا حزين
